Sot në Gjakovë është raportuar së Muzeu i Muzikës është përfshirë nga flakët, përcjell InLajmi.
Rastin për InLajmin e ka konfirmuar zëdhënës i policisë për Rajonin e Gjakovës, Sheremet Elezaj i cili ka thënë se Muzeu i Muzikës në Gjakovë është përfshirë nga zjarri.
Mëtutje Elezaj ka bërë të ditur se Policia ka dalë në vendin e ngjarjes dhe se zjarrëfikësit janë duke u përpjekur të lokalizojnë zjarrin.
Ai ka thënë se nuk është raportuar për dëme në njerëz.
“Mund të ju konfirmoj se Muzeu i Muzikës në Gjakovë është përfshirë nga zjarri. Njësitet e nevojshme policore kanë dalë në vendin e ngjarjes si dhe Njesia e Zjarrëfikësve të cilët janë duke bërë përpjekje për lokalizimin e zjarrit. Nuk është raportuar për pasoja në njerëz” /InLajmi/
