Analisti politik dhe Profesori Unversitar Milazim Krasniqi ka thënë se Ministria e Arsimit ua kë vështirësuar jetën prindërve dhe nxënësve, përcjell InLajmi.
Krasniqi tha se shumë qytetarë nuk kanë llogari bankare dhe nuk din të qasen në internet.
Tutje ai ka shtuar duke thënë se roli i qeverisë është t’ua bëjë jetën me të lehtë qytetarëve dhe jo të bëjë të kundërtën.
Postimi i plotë i tij:
Ministria e Arsimit ua ka vështirësuar jetën prindërve dhe nxënësve. Shumë prindër nuk kanë llogari bankare, të tjerë nuk kanë qasje në internet, shumë nuk dinë si të procedojnë. Mund të ketë edhe të tjerë që paratë mund t’i harxhojnë për ndonjë hall tjeter. Ky veprim i ministrisë me librat vërtet është i palogjikshëm. Qeveria e ka mandatin t’ua lehtësojë jetën njerëzve e jo t’ua shtojë problemet. Raportet me botuesit rregullohen ndryshe, jo në dëm të nxënësve e familjeve. /InLajmi/
