Analisti Agon Maliqi, ka publikuar disa shifra nga regjistrimi i popullsisë në Britani të Madhe, ku sipas tyre prej 30.000 kosovarëve që banojnë atje, 48% kanë deklaruar se janë myslimanë, 30% kanë thënë që janë të “pafe” dhe 10% të krishterë, përcejll InLajmi.
Maliqi pyeti se a po gënjejnë kosovarët anketuesit në Britani se janë të pa fe prej ndonjë kompleksi, apo po i gënjejnë anketuesit në Kosovë se janë myslimanë prej turpit?
Tutje ai shtoi apo emigracioni në Britani të Madhe nuk është përfaqësues i shoqërisë kosovare në përgjithësi, dhe atje kanë shkuar më shumë shtresat shoqërore më sekulare?
Këtë e quajti rast për t’u studiuar, dhe në fund duke pyetur nëse dikush ka të dhëna krahasuese për censuset në Gjermani dhe Zvicër.
Postimi i plotë i tij:
Në regjistrimin e popullsisë (censusin) e bërë në Britani të Madhe, prej 30,000 kosovarëve që banojnë në këtë shtet, 48% janë deklaruar myslimanë, gati 30% si të “pa fe”, ndërsa 10% të krishterë. Pyetja shtrohet: a po i rrejnë kosovarët anketuesit në Britani se janë të pa fe prej ndonjë kompleksi, apo po i rrejnë anketuesit në Kosovë se janë myslimanë prej marres? Apo emigracioni në Britani të Madhe nuk është përfaqësues i shoqërisë kosovare në përgjithësi, dhe atje kanë shkuar më shumë shtresat shoqërore më sekulare? Gjithsesi, rast për t’u studiuar. A ka dikush të dhëna krahasuese për censuset në Gjermani dhe Zvicër? /InLajmi/
