Analisti dhe Drejtori i Këshillit të Mediave të Shkruara Imer Mushkolaj, ka reaguar pas sulmit ndaj gazetarit Vullnet Krasniqi, gjatë një proteste në Prizren, përcjell InLajmi.
Mushkolaj tha se ata që sulmuan gazetarin dhe kameramanin sa më shpejt duhet të merren organet përkatëse.
Tutje ai tha se policia e prokuroria duhet të merren edhe me të tjerët të cilët, në emër të “ruajtjes së moralit”, nxisin urrejtje e mosdurim. Në mesin e tyre ka edhe udhëheqës fetarë.
Postimi i plotë i tij:
Dhuna verbale nga rrjetet sociale kalon në dhunë fizike. Me ata që sulmuan gazetarin e Nacionales, Vullnet Krasniqi dhe kameramanin, në protestën anti DokuFest në Prizren, sa më shpejt duhet të merren organet përkatëse. Por, policia e prokuroria duhet të merren edhe me të tjerët të cilët, në emër të “ruajtjes së moralit”, nxisin urrejtje e mosdurim. Në mesin e tyre ka edhe udhëheqës fetarë. /InLajmi/
