Juristja e së drejtës së mediave Flutura Kusari, e ka dënuar sulmin ndaj gazetarit Vullnet Krasniqi dhe një kameramani të Nacionales që ndodhi në Prizren gjatë protestës kundër DokuFest, përcjell InLajmi.
Kusari tha se kriminelët duhet të arrestohen menjëherë, për çdo minutë që ata nuk janë në paraburgim, mesazhi është msyjani gazetarëve se nuk keni pasoja.
Tutje ajo tha se ky është sulmi i 54 ndaj gazetarëve dhe kameramanëve ketë vit, sipas faqes së AGK-së. Në vitin 2020, Kosova kishte regjistruar 24 sulme.
Postimi i plotë i saj:
Gazetari i Nacionales Vullnet Krasniqi dhe kameramani janë sulmuar fizikisht nga disa persona në Prizren derisa po bëheshin gati të raportojnë protesten kundër Dokufest, ngjarjes më të rëndësishme dhe më të mrekullueshme kulturore që ka Kosova.
Kriminelët duhet të arrestohen menjëherë. Për çdo minutë që ata nuk janë në paraburgim, mesazhi është msyjani gazetarëve se nuk keni pasoja.
Pa u rritë dënimet për sulme online dhe fizike ndaj gazetarëve dhe pa u ndal denigrimi verbal i gazetarëve nga njerëzit e veshur me pushtet politik, fetar apo financiar, të bërit gazetari do të vazhdojë të përkeqësohet më shpejtësi.
Ky është sulmi i 54 ndaj gazetarëve dhe kameramanëve këtë vit, sipas faqes së AGK-së. Në vitin 2020, Kosova kishte regjistruar 24 sulme. /InLajmi/
