Ëmbëlsirat dhe vera duket sikur janë pjesë e njëra tjetrës.
Kur shkoni me pushime me siguri i lejoni vetes pak sheqer më shumë dhe konsumoni recetat tuaja të preferuara nga pastiçeria.
Por njëkohësisht po këto ushqime shpesh mund t’ju bëjnë të ndiheni të fryrë e të rënduar në të nxehtin përvëlues të këtyre muajve.
Sorbeto mendohet të jetë përgatitur për herë të parë 3000 vjet para erës sonë dhe vazhdon e shijohet ende dhe sot.
Sorbeto me kastravec që do të shpjegojmë në recetën e sotëme është një ndër më të veçantat për shkak të përbërësve me shije të pazakontë dhe lehtësisë në shijim.
Përbësit
- 680 gr kastraveca
- 3 lugë gjelle lëng limoni i freskët
- 128 gr sheqer
Përgatitja
Për të nisur me përgatitjen duhet të qëroni mirë kastravecët.
Si fillim hiqni lëkurën më pas me anë të një luge të vogël hiqni pjesën e mesit ku ndodhen farat.
Vazhdoni duke e prerë në kubikë të vegjël rreth 5cm secilin dhe vendosini në grirësen e ushqimeve bashkë me lëngun e limonit dhe sheqerin.
Përzieni për disa minuta rradhazi, derisa e gjithë masa të jetë e shkrifët dhe e njëtrajtëshme.
Më pas hidheni në një tas, mublojeni me kapak dhe futeni në friforifer derisa të ftohet përreth 1 orë.
Pas kësaj kohe, futeni tasin në ngrirje për të paktën 4 orë të tjera ose më shumë, deris atë shikoni që ka ngrirë plotësisht.
Kur ta nxirrni për ta konsumuar, lëreni 5 minuta në temperaturë ambienti më pas serviteni sipas dëshirës duke i shtuar edhe një gjethe mente në anë, shkruan Agro Web.
Sorbeto serviret në kupa të vogla njejtë si akullorja dhe zakonisht konsumohet në fund të një vakti të bollshëm.
