Ligji për pagën minimale ende nuk është dërguar në zyrën e Presidentes së Kosovës për dekretim.
Bekim Kupina, këshilltar për Media, bëri të ditur se Ligji është ende në Kuvendin e Kosovës dhe nuk ka ardhur në Presidencë. “Kur të vjen, do të analizohet sikurse edhe ligjet e tjera”, tha Kupina.
Ndryshe për këtë ligj në Prishtinë është organizuar edhe protestë në shenjë kundërshtimi ndaj miratimit të Projektligjit për pagën minimale, në të cilën veteranët nuk janë përfshirë.
Ndryshe me miratimin e ligjit në Kuvend, mundësohet rritja e pagës minimale. Nga 130 euro e 170 euro, në 264 euro bruto për të gjithë.
Për punëtorët nën 35 vjeç rritje e pagës minimale për 103%, ndërsa për punëtorët deri në 65 vjeç rritje për 55%. Po ashtu hiqet tatimi në të ardhurat personale për pagat deri në nivelin e pagës minimale, shkruan RTK
Nga kjo rritje do të përfitojnë rreth 100 mijë punëtorë, ndërsa nga heqja e shkallës së parë tatimore do të përfitojnë të gjithë punëtorët.
