Kryetarja e Lëvizjes Evropiane të Serbëve për Kosovën, Rada Trajkoviq, ndërsa flet për situatën në veri të Kosovës, fajin ua hedh Albin Kurtit dhe Aleksandër Vuçiqit, transmeton InLajmi.
Trajkoviq, drejton kritika të ashpra për poltikën e gabuar të presidentit të Serbisë Aleksandër Vuçiq, në raport me Kosovën.
Siç u shpreh ajo Vuçiqi “instaloi në pushtet një mafi, të udhëhequr nga Veselinoviqi, Radoiçiqi dhe shefi i policisë për veriun, Bojiq”.
“Ka 10 vite që punojnë aktivisht për të kriminalizuar jo vetëm veriun e Kosovës. Ata krijuan një rrjet të tërë njerëzish që fillimisht duhej t’i dëgjonin dhe ai rrjet u forcua, veçanërisht pas vrasjes së Oliver Ivanoviqit. Oliver punoi në strukturën e serbëve, të cilët mendonte se po udhëhiqnin në mënyrën e duhur për sa i përket bashkëjetesës me fqinjët e tyre shqiptarë… Ky kriminalizim i serbëve u forcua dhe në momentin kur u ngrit aktakuza kundër Radoiçiqit dhe Veselinoviqit, ata ikën nga Kosova”, ka thënë Trajkoviq, për N1.
Ai shton se tani ata janë “multimilionerë, dhe se janë një nga shfrytëzuesit më të mëdhenj të buxhetit të Serbisë”.
“Ana Brnabiq ua cakton këto detyra. Ata u bënë njerëz që kanë aeroplanë, kamionë dhe jahte. Tani edhe pa Vuçiqin mund të financojnë grupe të caktuara”, ka thënë Trajkoviq/InLajmi/
