Haradinaj përsërit: Shkarkimi i kryeministrit dhe qeverisë është urgjencë kombëtare

Zhvillimet e fundit poiltike në vend dhe situata e tensionuar në veri, ka nxitur kreun e AAK-së, Ramush Haradinajn që të “zbrazë” një mal kritika ndaj qeverisjes aktuale, ndërsa është shprehur se shkarkimi i kryeministrit Albin Kurti është “urgjencë kombëtare”, përcjell InLajmi

Haradinaj ka renditur fushat në të cilat kryeministri Kurti ka dështuar, e këtu përmend edhe prishjen e raporteve me aleatët.

Kreu i AAK-së, shkon edhe më larg ndërsa akuzon Kurtin për korrupsion e hajni.

Sipas tij, kryeministri Kurti po kërkon shpëtim te kriminelët në veri.

Postimi i plotë i tij:

I zbuluar dhe i kapun në mashtrim. I humbur në qeverisje dhe i pashpresë për ekonomi, arsim e shëndetësi;

I zhytur në korrupsion dhe i kapun në hajni;

I pabesueshëm për aleatët euroatlantikë;

I kapun në pabesi dhe i dënuar prej tyre, Kurti po kërkon shpëtim te kriminelët në veri;

S’e shpëtojnë as ata, s’e ka drejtësi për të gjithë dhe ka për të pasur për popullin e shumëvuajtur të Kosovës edhe nga e keqja Kurti.

Prandaj shkarkimi i Kryeministrit dhe Qeverisë, është urgjencë kombëtare! /InLajmi/