Në Kosovë parashihet të mbajë mot kryesisht i vranët, me gjasa për intervale të shkurtra kohore me diell dhe me reshje lokale shiu.
Vende-vende, herë pas here priten reshje të dendura shiu, ndërsa pasdite ka gjasa edhe për rrebeshe lokalisht të fuqishme shiu me vetëtima dhe bubullimë.
Ka mundësi që të ketë vërshime të shpejta në disa rajone. Temperatura maksimale parashihet të arrijë deri në 24 gradë Celsius.
Vranësira, reshje shiu e rrebeshe intensive nesër parashihen edhe në shumë vise të Shqipërisë, Maqedonisë së Veriut, Luginës së Preshevës dhe Mal të Zi. Temperaturat do të shënojnë ulje kryesisht të lehta.
E Marta e freskët dhe me reshje lokale shiu në Kosovë. Këto reshje do të vijnë duke u dobësuar. Në Shqipëri dhe Maqedoninë Veriore priten rrebeshe lokale me vetëtima dhe bubullimë, shkruan Meteo Ballkan.
E mërkura sipas parashikimeve sjellë intervale kohore me diell dhe vranësira ku gjasa edhe për ndonjë rrebesh lokal shiu me vetëtima dhe bubullimë, ndërsa të enjten do të ketë sërish intensifikim të reshjeve të shiut.
