Ministri i Pushtetit dhe Administrimit Lokal Elbert Krasniqi bëri të ditur se janë ndarë mbi gjysmë milion euro më shumë për 6 Komuna të reja në kuadër të projektit ‘Komunat për të Rinjtë’, përcjell InLajmi.
Krasniqi deklaroi se fondet shtesë kanë për qëllim përfshirjen e të rinjve nga grupet e margjinalizuara nga Komunat e reja përfituese, në aktivitetet e këtij projekte.
Postimi i plotë i tij:
Mbi gjysmë milion euro më shumë për 6 Komuna të reja në kuadër të projektit ‘Komunat për të Rinjtë’ (M4Y).
Në mbledhjen e 145-të të Qeverisë, janë ndarë 250 mijë euro shtesë, për projektin ‘Komunat për të Rinjtë’ të cilat së bashku me 250 mijë euro nga Banka Botërore do të financojnë grante për të rinjët në Komunat, Fushë Kosovë, Pejë, Gjakovë, Shtime, Podujevë dhe Graçanicë.
Fondet shtesë kanë për qëllim përfshirjën e të rijëve nga grupet e margjinalizuara nga Komunat e reja përfituese, në aktivitetet e këtij projekti. /InLajmi/
