Ish-kryenegociatori për dialogun Kosovë-Serbi, Skender Hyseni, ka kritikuar kryeministrin e vendit Albin Kurtin dhe presidenten Vjosa Osmani për keqqeverisje dhe krizat në veri të vendit, përcjell InLajmi.
Hyseni thotë se të gjitha krizat në veri janë prodhuar në mandatin e tyre.
Sipas tij, kriza e fundit në veri dëshmoi se bota është e lodhur me shtetin e Kosovës.
Për më tepër, ai tha se Osmani dhe Kurti nuk e kanë hallin e vendit, por të pushtetit dhe të zhbërjes së shtetit të Kosovës.
Ai gjithashtu shtron pyetjen “Kur do ta kuptojë ky popull i mjerë kush është Albin Kurti dhe Vjosa Osmani?”
Postimi i plotë i tij:
Kur do ta kuptojë ky popull i mjerë kush është Albin Kurti dhe Vjosa Osmani ???!!!
Të gjitha krizat në Veriun e Kosovës janë prodhuar në mandatin e tyre. Kriza e fundit, dëshmoi se bota është lodhur me ne. Kurti dhe Osmani po vazhdojnë, madje pa ngurrim, të befasojnë partnerët e Kosovës. As njëri as tjetri nuk e kanë hallin e vendit. Të dytë e kanë hallin e pushtetit të tyre, deri në zhbërje të shtetit të Kosovë, Ndërsa, intelektualë e akademikë qëndrojnë të heshtur, si strucat !!! /InLajmi
