Ministri i Punëve të Jashtme, Ivica Daçiq, tha se Kurti nuk dëshiron normalizim, por synimi i tij është që nxitë konflikt mes KFOR-it dhe serbëve në veri të Kosovës, shkruan InLajmi.
“Kur është fjala për KFOR-in serbët përjetuan zhgënjim. Nuk është asgjë e re, por ishte hera e parë që kishte një konflikt të hapur, kështu që pjesëtarët e KFOR-it u vunë në një situatë ku duhej t’i mbronin forcat e Kurtit dhe kryetarët e komunave, në vend që t’i pengonin që të mos ishin fare në ato ndërtesa” tha Daçiq.
Tutje tha Daçiq se roli i KFOR-it është sigurimi i paqes dhe stabilitetit, sipas Rezolutës 1244.
“Ka shumë keqpërdorime me të gjitha dokumentet dhe marrëveshjet, përfshirë marrëveshjen e Brukselit, si dhe marrëveshjen që forcat speciale të policisë nuk mund të vijnë në veri pa lejen e kryetarit. Tani atje janë kryetarët e rinj. Gjithçka erdhi si pasoj e një sërë veprimesh të njëanshme që flasin se Kurti nuk dëshiron asnjë normalizim”, theksoi Daçiq dhe shtoi.
Daçiq fajson Kurtin për përleshjen e protestuesve serb me trupat e KFOR-it.
“Kurti dëshiron vetëm një përshkallëzim të mëtejshëm të konfliktit, i cili do të çonte në përkeqësim të situatës në veri dhe një konflikt mes KFOR-it dhe serbëve”, tha Daçiq, shkruan tv.pink.
Tutje theksoikryediplomati serb se ndryshe nga Kurti, presidenti Vuçiq u ka bërë thirrje qytetarëve që të mos konfliktohen me KFOR-in.
Daçiq theksoi se kërkesat e serbëve janë të qarta, tërheqja e kryetarëve të Kurtit dhe e forcave speciale të tij.
