E premtja e 26 majit shënon rritjen e tensioneve në veriun e Kosovës , tensione këto që u krijuan pasi qytetarët serb barrikaduan ndërtesat e komunave për të penguar hyrjen e kryetarëve në komuna, me që rast Policia e Kosovës asistuan kryetarët e rinj të shkonin në zyrat e tyre, duke shpërndarë qytetarët me hedhjen e gazit lotsjellës, shkruan InLajmi.
Pas zhvillimeve të së premtes serbet e veriut vazhduan me protesta të dhunshme edhe këtë të hënë duke sulmuar mediat e policinë e duke tentuar të hyjnë më forcë në objektet komunale.
E gjithë kjo situatë e krijuar tashmë nga protestuesit serb bënë që kryetarët e rinj shqiptar në 3 komunat veriore, Zubin Potok, Zveçan dhe Leposaviq të shkojnë në vendet e tyre të punën nën përcjelljen policore, situatë kjo që nuk dihet se deri kur mund të vazhdoj si e tillë .
Duke parë se gjendja në veri është e tensionuar dhe vazhdimi i punës së kryetarëve të rinjë në masa policore krijon një realitet të ri përveç se pengon funksionimin e institucioneve komunale kjo situatë mund të përshkallëzohet deri sa bëhet thirrje për zgjidhje politike të shpejtë.
Vazhdimi i mandatit të kryetarëve të rinj duket I pa “dobishëm” në të tilla situata edhe nga ekspertet e sigurisë , kjo situatë sjellë “rrezikun” e cenimit të integritetit territorial të Kosovës.
Sipas ekspertit të sigurisë Drizan Shala, situata aktuale në veri mund të qetësohet ndoshta me dorëheqjen e kryetarëve të rinj apo të funksionojnë me mandate teknik.
“Sipas kësaj që shihet pritet që kryetaret e sapo zgjedhur ti kenë 2 opsione të cilat janë:1. Dorëheqje si rezultat i tensioneve të krijuar: 2. Vazhdimi i mandatit teknik deri të shpallen zgjedhjet e reja në ato komuna”, deklaroi Shala për InLajmi
Nga ana tjetër eksperti i sigurisë Bedri Elezi ka deklaruar se situate në veri është mjaft e tensionuar dhe alarm serioz për Kosovën . Sipas tij situata aktuale mund të qetësohet vetëm duke vepruar në koordinim vetëm me SHBA-të delekuentizimi politik mund të krijoj rrethana për pushtimin e veriut nga Serbia.
Elezi shfaq frikën se përmes veprimeve delekuente politike Serbia mbase po provon kthimin e asaj që humb në luftë.
“Shqetsimi i kryeministrit të SHBA-ve, përkatësisht sekretarit Antony Blinken për situatën e sigurisë në veri, alarm serioz për zhvillimet në të ardhmen e Republikës së Kosovës. Pyetja është: Apo e kthen Serbia atë që humbi në luftë përmes veprime ve të delikuenteve politik në Prishtinë”, deklaroi Elezi duke shtuar se situate aktuale në veri përgjesisht në vend duhet korigjuar me veprime të koordinuar me SHBA-të.
“Urgjentisht duhet dakordim dhe koordinim me SHBA-në”, shtoi tutje ai.
Ndryshe, kryetarët e rinj shqiptarë u zgjodhën më 23 maj, pasi krerët e mëhershëm komunalë nga radhët e Listës Serbe dhanë dorëheqje nëntorin e vitit të kaluar. /InLajmi/
