Gazetari serb nga veriu Branislav Kërstiq ka pyetur deputetin e VV-së Arbër Rexhaj se pse Qeveria nuk e vendosi flamurin e Kosovës në komunat e veriut para 2 viteve kur erdhi në pushtet.
Kërstiqi madje e quajti edhe qesharake ngritjen e flamurit të Kosovës në komunat ku u organizuan zgjedhjet lokale. Kjo pasi sipas gazetarit serb, vetëm 300 metra brenda qytetit në veri, flamuj të Kosovës e Shqipërisë janë të ngritur nëpër secilin cep, transmeton Gazeta10.
“Pyetja kryesore është pse se ka vendosur Qeveria e Kosovës para 2 vjetëve flamurin kur erdhi në pushtet. Ajo ndërtesë në komunën veriore është ndërtuar me fondet e shtetit. Tash për mua kjo ngritja e flamurit është qesharake. Ngritja e flamurit. Ne kemi 300 metra brenda veriut sa të doni falmura të Shqipërisë me shqiponja, të shtetit të Kosovës, në mahallë të Boshnjakëve deri te shkolla teknike.”, tha Kërstiqi në Politiko, shkruan Gazeta10.
Zgjedhjet në 4 komunat serbe sipas tij u bojkotuan nga 100% të serbëve, e jo vetëm nga Lista Serbe. “Këtë çlirimin unë e kuptojë si një çlirim nga një strategji destabilizuese e krejt qeverisë Kurti,
Targat me zor, zgjedhjet me zor, dhe me mungesën e legalitetit veç janë të ligjërishme asgjë tjetër. Nuk i kanë bojkotuar zgjedhjet vetëm Lista Serbe, por 100% e serbëve.”, deklaroi Kërstiq.
