SHSKUK ka bërë të ditur se fëmijë i moshës 4 vjeçare nga Mitrovica, kishte përpirë një monedhë metalike, i cila kishte depërtuar në lukth duke i rrezikuar seriozisht shëndetin, përcjell InLajmi
Pas përkeqësimit të gjendjes shëndetësore, fëmija u shtri në Klinikën e Kirurgjisë së Fëmijëve në QKUK.
Sipas SHSKUK-së nga aty u morën masat e nevojshme dhe përmes metodave endoskopike, fëmijës i’a larguan monedhën metalike nga lukthi.
Njoftimi i plotë i SHSKUK-së:
Një fëmijë i moshës 4 vjeçare nga Mitrovica kishte përpirë një monedhë metalike, i cila kishte depërtuar në lukth duke i’a rrezikuar seriozisht shëndetin.
Pas komplikimit të gjendjes shëndetësore, fëmiu ishte shtrirë në Klinikën e Kirurgjisë së Fëmijëve në QKUK.
Janë ndërmarrë masat e nevojshme reanimatore nga anesteziologët e Klinikës së Anesteziologjisë dhe pastsj specialistët e Klinikës së Gastroenterologjisë me Hepatologji, përmes metodave endoskopike, fëmiut i larguan monedhën metalike nga lukthi.
Fëmiu tani gëzon shëndet të plotë dhe po mbikëqyret nga stafi i Klinikës së Kirurgjisë së Fëmijëve.
Mjekët apelojnë tek prindërit që të kenë kujdes të shtuar dhe mos të lejojnë që fëmijët të mbajnë monedha metalike dhe gjësende të imëta që mund t’i gëlltisin dhe të ju shkaktojnë telashe shëndetësore. /InLajmi/
