Në Qendrën Klinike Universitare, 13 pacientë kanë marrë trajtime pas aksidentit që ndodhi në Vragoli, ku mbeten 30 të lënduar.
Në lidhje me këtë, mjeku kujdestar, Naser Syla, tha se gjendja e tyre është stabile dhe të gjithë janë lëshuar për në shtëpi.
“Diku para një ore janë sjellur 13 persona prej aksidentit ku 7 prej tyre janë nxënës. Të gjithë e kanë marrë trajtimin dhe gjithë janë lëshuar në shtëpi pasi s’kanë pasur lëndime të rënda”, tha Syla.
Kujtojmë se në fshatin Vragoli, rreth orës 15:50 ka ndodhur një aksident trafiku mes një kamioni, autobusi, ku mbeten të lënduar 30 persona, njofton Klankosova.tv.
Autobusi i përfshirë në këtë aksident ishte duke bartur nxënës nga Presheva pas një ekskursioni në Shqipëri.
