Një 19 vjeçar nga Komuna e Suharekës ka vdekur pas lëndimeve të marra në kokë nga përdorimi i armës së zjarrit, përcjell InLajmi.
Rastin për Gazetën InLajmi e ka konfirmuar zëdhënësi i Policisë për Rajonin e Prizrenit, Vesel Gashi i cili bëri të ditur se viktima është djali i një zyrtari të Policisë së Kosovës ku dhe dyshohet se edhe arma i përket atij.
“Në vendin e ngjarjes është gjetur dhe është sekuestruar një arme zjarri dhe një gëzhoje. Dyshohet se arma e zjarrit i përket zyrtarit policor te PK-se (Prindi i viktimës ), i cili gjendej jashtë detyrës zyrtare”, deklaroi Gashi për InLajmin
Ai tutje bëri me dije se lidhur me rastin është njoftuar Prokurori i Shetit dhe rasti po cilësohet si vdekje e dyshimtë.
“Lidhur me rastin njoftohet Prokurori i Shtetit dhe IPK (Inspektorati Policor i Kosovës), të cilët kanë dalur në vendin e ngjarjes dhe bashkë me zyrtarët të Sektorit Rajonal të Hetimeve të DRP-se të Prizrenit, vazhdojne hetimin e rastit të cilesuar si ‘ Vdekje e Dyshimtë”, ka deklaruar Gashi. /InLajmi/
