Kryetari i Aleancës për Ardhmërinë e Kosovës Ramush Haradinaj, kujtoi 25-vjetorin e Betejës së Llapushnikut, përcjell InLajmi.
Haradinaj thotë se beteja e Llapushnikut ishte ndër betejat më të lavdishme të luftës sonë çlirimtare.
Tutje, ai thekson se kjo betejë i dha kahje të re luftës sonë për liri.
Tutje Haradinaj theksoi se trimat e UÇK-së i ndalën armikut një prej arterieve kryesore të furnizimit dhe logjistikës, duke shënuar një kthesë me rëndësi në zhvillimin e luftës frontale.
Gjithashtu ai kujtoi 47 dëshmorët dhe 54 martirët e kësaj beteje, duke thënë “lavdia e tyre do të mbijetojë me shekuj”.
Postimi i plotë i tij:
25 vjet më parë, në Llapushnik po zhvillohej një betejë e cila i dha kahje të re luftës sonë për liri. Beteja e Llapushnikut, ishte ndër betejat më të lavdishme të luftës sonë çlirimtare.
Trimat e Ushtrisë Çlirimtare të Kosovës i ndalën armikut një prej arterieve kryesore të furnizimit dhe logjistikës, duke shënuar një kthesë me rëndësi në zhvillimin e luftës frontale.
Me përulje e respekt kujtojmë e nderojmë, 47 dëshmorë dhe 54 martirë që ranë në altarin e lirisë së Kosovës, lavdia e të cilëve do të mbijetojë me shekuj. /InLajmi/
