Bllokimi i zbatimit të marrëveshjeve në mes Kosovës dhe Serbisë, nga perspektiva e gazetarit serb, Branislav Kërstiq po shihet si një “bllokadë nga të 2-ja anët”.
Kërstiq duke folur për procesin e Dialogut ka thënë se ndërkombëtarët duhet të marrin në duar procesin dhe më mos të presin nga palët një dakordim.
“E kem një bllokadë në të 2-ja anët, por ndërkombëtarët duhet të dalin e thonë se ju të 2 nuk keni asnjë marrëveshje dhe prej sot ne të 2 udhëheqim me krejt, pajtoheni ose jo. Merreni ose merre. Merreni sot ose ke me marrë nesër me zor. Janë lodh me ne.”, ka thënë ai në “Politiko.
Megjithëse gazetari serb e ka quajtur presidentin serb, Vuçiqi diktator, ai ka bërë një krahasim interesant të ndryshimit të qëndrimeve të të 2 udhëheqëseve.
“Ai është një diktator, një njëri që kontrollon mediat, ndërhyn në to. Me atë fushatë ai (vj. Vuciqi) ka ardh në pushtet, duke qenë në Beograd e Mitrovicë veriore duke thënë se ne anulojmë krejt Marrëveshjet me Kosovën që partia e Tadiqit i ka arrit, se “Kosova është zemra e Serbisë” dhe çka ka bë? Asgjë. Në anën tjetër kemi kryeministrin Kurti i cili me vite ka ardhur në pushtet kundër Asociacioni e pardje ka shku e ka thënë unë e kam edhe projekt-vizionin tem të Asociacionit.”, përfundon ai.
Me 2 maj, Kurti dhe Vuçiqi u takuan në Bruskel në një takim trepalësh të mbështetur nga BE-ja, shkruan Gazeta10.
Në këtë takim u publikua Deklarata për Personat e Zhdukur, por që pati mospajtime për statutin e Asociacionit ku Ekipi Menaxhues paraqiti draftin e tyre, por edhe pala kosovare ‘’draft-vizionin’’ e saj.
