Në vendvotimin në kontenjer në rrugën “7 shtatori” në Mitrovicën e Veriut deri në orën 13:00 kanë votuar vetëm 20 persona.
Këtë për Ekonomia Online e ka bërë të ditur kryesuesja e këtij vend votimi. Në këtë qendër të drejt vote kanë 8.750 persona.
Objekte të tilla janë vendosur në 13 lokacione në 4 komunat me shumicë serbe.
Në garë për kryetar të këtyre komunave janë 10 kandidatë nga 3 subjekte politike, prej të cilave, vetëm një nga komuniteti serb.
Këto zgjedhje po mbahen pasi serbët, në shenjë proteste për vendimin e Qeverisë për targat, u larguan nga të gjitha institucionet e Republikës së Kosovës.
Në këto zgjedhje nuk do të marrë pjesë partia më e madhe e serbëve, Lista Serbe, pasi pjesëmarrjen e tyre LS e ka kushtëzuar me krijimin e asociacionit dhe tërheqjen e njësive speciale të Policisë së Kosovës.
Vendimi i Listës Serbe për të bojkotuar zgjedhjet nuk është pritur mirë nga ndërkombëtarët.