Komisioni për Shëndetësi dhe Mirëqenie Sociale është takuar me përfaqësues të e grupit avokues të prindërve me fëmijë me aftësi të kufizuara në Handikos, të cilët paraqiten ankesat e tyre për mungesën e shërbimeve shëndetësore, raporton InLajmi.
Afërdita Gashi, kryesuese e Grupit avokues nga Handikosi, shprehu ankesa për ligjin për personat paraplegjik dhe tetraplegjik si dhe për ligjin invalidor ndërsa shtoi se asnjë kërkesë e tyre nuk është marrë parasysh.
“Ky grup është formuar prej viti 2012, shqetësimet e prindërve, sfidat normal që janë sfidat shëndetësore e sociale. Janë sfida që edhe në nuk dimë me i përshkruar. Në takimet me nivelin qendror i kemi paraqit këto sfida dhe nuk janë marr parasysh. Ne kemi ankesa për ligji për personat paraplegjik dhe tetraplegjik dhe për ligjin invalidor. Ky ligj nuk po e vlerëson si duhet një person me parapligji. Kjo është një pikë e parë që duhet të diskutohet për vlerësimin për këta persona. Ne po kërkojmë që të bëhet institucionalizimin e shërbimeve sociale, kjo është një sfide po ashtu për ne”, tha ajo.
Mimoz Rrahmani, nga Handikos, theksoi se sigurimet shëndetësore janë primare për rehabilitimin e personave me aftësi të kufizuar derisa pëmendi mosofrimin e shërbimeve të stomatologjisë dhe rastet kur këtyre personave u është dashur të shkojnë në Shkup për t’u trajtuar.
“Shërbimet shëndetësore janë primare në rehabilitimin e tyre, në qasje e tyre. Kur përmendet ligji që është aktual, e kam shikuar si një prind që ballafaqohet me sfidat e kam analizuar përderisa nuk janë shërbimet sociale është problem. Një sfidë është edhe shërbimi i stomatologjisë, shërbimet nuk po ofrohen, ne kemi raste që është dashtë me shkuar në Shkup për t’u trajtuar. Nuk mund të themi se nuk kemi bazë ligjore. Edhe pjesëmarrje në shkollë nuk mundet me qenë, kur ka mungesa në aspektin e shërbimeve shëndetësore”, tha ajo. /InLajmi/
