2 kamionë transportues dhe një veturë janë aksidentuar në magjistralen Gjilan-Prishtinë, përcjell InLajmi.
Lajmin për aksidentin e ka konfirmuar për InLajmin, zëdhënësi i Policisë së Kosovës për rajonin e Gjilanit, Ismet Hashani, i cili bëri të ditur se lëndime trupore kanë pësuar 2 vozitësit e kamionëve, të cilët janë dërguar në qendrën emergjente për tretman mjekësor.
Në vendin e ngjarjes ka dalë njësiti i zjarrfikësve, të cilët kanë ndihmuar largimin e kamionëve dhe lirimin e rrugës.
Policia e Kosovës dhe njësitet rajonale të komunikacionit rrugor janë në vendin e ngjarjes dhe po i hetojnë rrethanat e këtij aksidenti.
Njoftimi i plotë nga Policia e Kosovës:
Ju njoftojmë se sot me datë 14.04.2023 rreth orës 09:00 në magjistralen Gjilan – Prishtinë në fshatin Llabjan ka ndodhur një aksident trafiku me lëndime. Nga vendi i ngjarjes patrolla e komunikacionit rrugor njofton se të involvuar në aksident janë 2 kamionë transportues dhe një veturë. Me këtë rast, lëndime trupore kanë pësuar 2 vozitësit e kamionëve, të cilët janë dërguar në qendrën emergjente në Gjilan për tretman mjekësor. Policia e Kosovës njësitet rajonale të komunikacionit rrugor janë në vendin e ngjarjes dhe po i hetojnë rrethanat e këtij aksidenti. /InLajmi/
