Ish-zëvendëskryesues për Komunitet në Mitrovicën e Veriut, Emir Azemi, duke folur për zgjedhjet në veri që priten të mbahen më 23 prill, ka thënë se pjesëmarrja mund të jetë shumë e vogël, dhe sipas tij, pritet të jetë prej 3 deri në 9 %.
“Është mirë që t’u jepet kohë, pasi zgjedhjet do të prodhojnë efekt juridik, por legjitimeti i zgjedhjeve do të kontestohet, sepse dalja do të jetë tepër e vogël. Ka gjasa që këto zgjedhje të jenë një dalje nga 3 deri në 9%. Sepse kjo është edhe numri i pjesëmarrjeve nga komuniteti shqiptar nga vitet e kaluara”, ka thënë ai.
Azemi ka thënë se është e qartë se vetë fakti që serbët kanë refuzuar të marrin pjesë në zgjedhje, çdo situatë do ta shfrytëzojnë për mosmbajtjen e tyre.
“Tendenca për të pamundësuar zgjedhjet është e qartë që vetë fakti që serbët kanë refuzuar të marrin pjesë në zgjedhje, ata do të përdorin çdo situatë në shërbim të kësaj çështjeje”, ka thënë ai për TV Dukagjini
“Në kemi nxjerrë analiza se çka mund të ndodhë ditët në vijim, por siç duket ky skenar për destabilizimin e veriut po vazhdon edhe tash. Nuk e di se çfarë do të ndodhë në ditën e zgjedhjeve, por është e qartë se nëse zgjedhjet mbahen vetëm në pikat ku janë komuniteti joserb do të thotë shumicë, atëherë nënkupton që këto zgjidhej do të marrin një numër shumë të vogël, të mos themi se mund të jetë edhe shifror i votuesve, sepse do të pamundësohet që serbët të cilët do të dëshironin të marrin pjesë, sepse ato vendvotime siç po shihet, nuk ka kushte ose mundësi në terren të hapen”, ka deklaruar tutje ai.
