Në 15-vjetorin e Kushtetutës së Kosovës, presidentja e Republikës së Kosovës, Vjosa Osmani në konferencën “Analizë gjithëpërfshirëse e Kushtetutës së Kosovës”, u shpreh se është e gatshme t’i shërbejë vendit ashtu siç e kërkon Kushtetuta, raporton InLajmi.
“Në 15 vjetorin e Kushtetutës sonë ne duhet të reflektojmë mbi ata që përben kjo Kushtetutë bazë të mirë për ecjen përpara të vendit tonë. Me shumë krenari e themi që jemi ndër vendet e pakta që kanë një garantim të të drejtave të minoriteteve dhe të gjithë qytetarëve”, tha Osmani.
Osmani theksoi se gjatë këtyre 15 viteve Kushtetuta ka ndryshuar ndërsa shtoi se “armë” e rëndësishme e saj është korniza institucionale.
“Jemi vendit më vlerësimet më të larta në rajon. Një armë shumë e rëndësishme e Kushtetutës sonë është korniza institucionale. Kushtetuta jonë është tejet unike që i mvesh presidentes një detyrë të rëndësishme. Gjatë këtyre 15 vite Kushtetuta ka ndryshuar. Kemi nisur historinë e saj më mbikëqyre. Para Gjykatës Kushtetuese janë edhe amendament për Vettingun. S’ka gjë më të dhimbshme për një shoqëri se sa të humbin besimin në drejtësi. Gjersa po festojmë këtë shpreh gatishmërinë për të vazhduar në shërbim të vendit ashtu siç kërkon Kushtetuta”, tha ajo.
Në këtë konferencë është prezantuar edhe raporti i politikave “Kushtetuta e Kosovës: Rishikim Gjithëpërfshirës&Analizë Ligjore”. /InLajmi/
