Ministri i Mjedisit dhe Planifikimit Hapësinor Liburn Aliu ka dalë në mbështetje Hashim Thaçit, Jakup Krasniqit, Rexhep Selimit e Kadri Veselit, përcjell InLajmi.
Aliu tha se e bardha nuk nxihet dot nga shpifjet dhe se është i bindur se ata do të triumfojnë.
Më tej ai tha se . UÇK-ja është e shenjtë, luftëtarët dhe prijësit e saj janë heronj.
Postimi i plotë i tij:
Brez pas brezi luftëtarët tanë janë përballur me padrejtësitë. I kemi dëgjuar historitë e tyre prej më të vjetërve, qysh kur kemi qenë fëmijë, jemi rritur me ta, jemi angazhuar krah për krah, dhe kemi ndarë sfidën e sakrificën bashkë me ta.
Sot luftëtarët tanë të lirisë, Jakup Krasniqi, Hashim Thaçi, Kadri Veseli e Rexhep Selimi, gjenerata që e çliroi më në fund Kosovën, po përballet me padrejtësinë e radhës. Por e bardha nuk nxihet dot nga shpifjet. Jam i bindur se ata do të triumfojnë. UÇK-ja është e shenjtë, luftëtarët dhe prijësit e saj janë heronj! /InLajmi/
