Kryetari i Shoqatës së Familjeve të Dëshmorëve, Xhavit Jashari, në “Debat Plus”, ka thënë se ish-presidenti historik, Ibrahim Rugova, ka bërë gabime në raport me Ushtrinë Çlirimtare të Kosovës.
Sipas tij, Rugova nuk e ka njohur atë si ushtri çlirimtare dhe se po ashtu, ka pasur edhe ofendime duke e quajtur dorë të zgjatur të Serbisë, shkruan Dukagjini.
“Mendoj që Rugova ka bërë gabime në raport me UÇK-në sepse në radhë të parë nuk e ka njoftë si ushtri çlirimtare, madje ajo politika e asaj kohe ka pasur ofendime për grupet e para, që kishim kriju rezistencën aktive, përkundër asaj pasive. Shpeshherë na kanë quajtur dorë e zgjatur e Serbisë që mendoj se ka qenë gabim i madh”, ka thënë ai.
