Kombëtarja e Kosovës vazhdon sot ndeshjet kualifikuese për në Kampionatin Evropian.
Pas barazimit 1:1 në Tel Aviv ndaj Izraelit, ‘Dardanët’ kërkojnë fitoren e parë në rrugëtim për një vend në ‘EURO 2024’.
Kosova sot mirëpret në ‘Fadil Vokrri’ Andorrën, për objektivin e vetëm, pikët e plota.
Trajneri i Kosovës ka në dispozicion 25 lojtarë, por ky mund të jetë formacioni i mundshëm i ‘Dardanëve’.
Në portë do të jetë Aro Muric, derisa mbrojtja nuk pritet të ndryshojë shumë me Florent Hadërgjonaj në të djathtë dhe Leart Paqarada në të majtë, ndërkohë kapiteni, Amir Rrahmani dhe Mirlind Kryeziu në qendër.
Ndryshime pritet të ketë në repartin e mesfushës, pasi në barazimin ndaj Izraelit ishte tejet i lexueshëm.
Me Ibrahiim Dresevic që gjatë atij takimi bëri disa gabime, që më pas ndikuan edhe në rezultatin final të lojës.
Sot Giresse mund të startojë me Betim Fazliji pas paraqitjes fenomenale si zëvendësues ndaj Izraelit, ndërsa përkrah tij do të jenë edhe Bersant Celina e Florent Muslija.
3 e sulmit mund të pësojë ndryshime, në vend të Edon Zhegrovës pritet të startojë Arbër Zeneli dhe 2 Milot Rashica e Vedat Muriqi.
