Të shtunën në mesditë ka ndodhur një vrasje në rrugën Ahmet Krasniqi në Prishtinë, përcjell InLajmi.
Policia e Kosovës ka njoftuar se 2 të dyshuar kanë shtënë në drejtim të viktimës, i cili është qëlluar dhe ka ndërruar jetë.
Në vendin e ngjarjes kanë dalë të gjitha njësitë përkatëse dhe mjeku ka konstatuar vdekjen e viktimës.
Në raportin e Policisë së Kosovës thuhet se 2 të dyshuarit janë lënduar dhe janë dërguar në QKUK për tretman mjekësor.
Rasti vazhdon të hetohet nga njësitet kompetente policore.
Njoftimi i plotë nga Policia e Kosovës:
Rr. Ahmet Krasniqi, Prishtinë 18.03.2023 – 13:21. Dy të dyshuar meshkuj kosovarë dyshohet se kanë shtënë me armë në drejtim të viktimës mashkull kosovar i cili është qëlluar dhe ka ndërruar jetë. Në vendin e ngjarjes kanë dalë të gjitha njësitë përkatëse si dhe mjeku i cili ka konstatuar vdekjen e viktimës. Po ashtu edhe dy të dyshuarit janë të lënduar dhe janë dërguar në QKUK për tretman mjekësor. Me vendim të prokurorit trupi i pa jetë i viktimës është dërguar në IML për obduksion, ndërsa dy të dyshuarit janë dërguar në mbajtje për 48 orë. Gjatë veprimeve hetimore është intervistuar edhe një i dyshuar i cili më pas është liruar, është sekuestruar edhe: një revole me një karikator dhe 11 fishekë, një gëzhojë dhe një thikë. Rasti vazhdon të hetohet nga njësitet kompetente policore. /InLajmi/
