Deputeti i LVV-së, Fatmir Humolli, ka paralajmëruar largimin e tij nga grupi parlamentar i kësaj partie.
Sipas raportimeve në disa medie, ky deputet nuk është i vetmi që po largohet nga kjo parti.
Është përfolur për deputetit e VV-së, Hydajet Hyseni, por ai e ka mohuar një gjë të tillë.
Ai thotë se tani është koha për t’u bashkuar e jo për t’u larguar nga Lëvizja Vetëvendosje.
Krejt këto lajme deputeti Hyseni, i quan shpifje.
“Janë duke e gjetur mundësinë me gjet diçka që nuk është e vërtetë. Ka shumë tema më të rëndësishme në Kosovë për t’u u merr jo kjo e imja e cila është vetëm një shpifje. E di që ka shumë dashakeqi që dëshirojnë vetëm përçarje, nuk është i vërtetë lajmi që unë të largohem nga LVV-ja përkundrazi tani është koha për të qenë bashkë, e jo për t’u ndarë”, tha Hyseni për Front Online.
Sipas Hysenit, vendi ka tema më të rëndësishme se sa mos largimi i tij nga Lëvizja Vetëvendosje.
