Fatmir Humolli, deputeti i Lëvizjes Vetëvendosje, ka paralajmëruar largimin e tij nga Grupi Parlamentar i Lëvizjes Vetëvendosje.
“Siç edhe kam deklaruar kur të bëhen 2 vite të Qeverisë së Albin Kurtit, dhe nëse ajo nuk ndërron, unë do të largohem”, tha Humolli.
“Ata mendojnë që e kanë mirë ndërsa unë mendoj që nuk e kanë mirë, kështu që për pak ditë do ta bëj të ditur qëndrimin tim”.
“Sigurisht, nëse kjo [ndryshimi] nuk do të ndodhë, unë do të largohem nga Grupi Parlamentar i Lëvizjes Vetëvendosje”, tha tutje Humolli.
Humolli dorëheqjen e tij nga VV e kishte paralajmëruar që nga viti i kaluar, shkruan Insajderi.
“Kuvendi është në pushim, për momentin nuk ka ndonjë ndërrim prej asaj që kam deklaruar, tash ta shohim si do të zhvillohen. Unë jam duke e përcjellur, dhe jam duke bë përpjeke për të ndryshuar pozitivisht Lëvizja Vetëvendosje ta shohim sa do të reflektojë. Për momentin nuk është në nivel të mundësive që i ka Kosova për ta zhvilluar vendin”, kishte thënë ai.
