Sipas Halil Matoshit një marrëveshje ndërmjet Kosovës e Serbisë tashmë është dakorduar mes palëve në Bruksel, në kuadër të planit evropian për normalizim të marrdhëniëve mes 2 shteteve.
Propozimi evropian i njohur edhe si plani franko-gjerman, sipas Matoshit është një pako e panegociueshme dhe se tani mbetet të flitet mes palëve vetëm për zbatimin e detyrave.
“Tashmë palët do të flasin vetëm për zbatimin dhe afatet kohore që do t’i zbatojnë detyrimet e marrura. Një marrëveshje është e mundshme sipas protokollit të Vjenës të jetë marrëvshje ndërkombëtare edhe pa nënshkrim, vetëm nëse dikush ka marrë shënime dikush nga BE-ja ose gojarisht janë dakorduar, ajo vlenë si marrëveshje”, tha Matoshi në Politiko, shkruan Gazeta10.
Matoshi s’pret që edhe nëse ndodhë njohja e pavarësisë nga Serbia, shqiptarët e serbët s’do të kenë një pajtueshmëri të plotë rreth Kosovës, por rikthimi i paqes thotë ai, do të bëhet i mundshëm vetëm me insistimin e partnerëve ndërkombëtar.
