Një person është lënduar nga një therje me thikë që ka ndodhur sot në lagjen Bregu i Diellit në Prishtinë, përcjell InLajmi.
Sipas zëdhënëses së Policisë në rajonin e Prishtinës, Flora Ahmeti, rasti ka ndodhur rreth orës 13:00, dhe se edhe një person tjetër ka pësuar lëndime trupore.
“Sot rreth orës 13:00, kemi marrë informatën për një lëndim trupor të ndodhur në lagjen Bregu i Diellit, në Prishtinë.
Bazuar në të dhënat fillestare, në këtë rast janë lënduar 2 persona, njëri nga ta dyshohet të ketë pësuar lëndime nga një mjet i mprehtë.
Personat e lënduar janë dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti” ka deklaruar Ahmeti /InLajmi/
