Kushtet e punës dhe mos siguria në punë, sidomos në sektorin e ndërtimtarisë shpeshherë del të jetë fatale për punëtorët e këtij sektori. Vetëm gjatë vitit 2022 në Kosovë, 15 persona në sektorin e ndërtimtarisë kanë humbur jetën në vendin e punës.
E, për këtë ndërtimtaria në Kosovë konsiderohet me rrezikshmëri të lartë, pasi që shumë nga kompanitë ndërtuese nuk i obligojnë punëtorët që gjatë kohës së punës të pajisen me masat mbrojtëse dhe po ashtu nuk ofrojnë siguri të mjaftueshme për ta në vend-punishte.
Sipas të dhënave të Inspektoratit të Punës gjatë vitit 2022, 15 persona kanë humbur jetën si pasojë e aksidentit në punishte, shkruan IndeksOnline.
“Gjatë vitit 2022 janë evidentuar 15 raste të aksidenteve në vendin e punës që kanë rezultuar me fatalitet”, thuhet në përgjigjen me shkrim të Inspektoratit.
