Profesori universitar nga Maqedonia e Veriut, Bashkim Selmani ka komentuar takimin në Bruksel mes kryeministrit të Kosovës, Albin Kurti dhe presidentin e Serbisë, Aleksandar Vuçiq.
Selmani ka thënë se janë dhënë shumë pak sinjale sa i përket asaj se çka përfitojmë dhe çka humbim në historinë e marrëveshjeve.
“Pëlqimi i palëve siç duket këtu nuk është i vullnetshëm nga të 2 palët. Nga ana tjetër përgatitje profesionale e bashkëbiseduesve dhe njohuria historike e marrëveshjeve paraprake, fatkeqësisht në aspektin publik shumë pak jepen sinjale se cila është ajo pjesa e bashkëbisedimeve paraprake, çfarë humbim dhe çfarë përfitojmë në situate të tilla sa jemi të përgatitur”, tha ai.
Teksa sipas Selmanit shteti serb gjithmonë ka qenë i favorizuar si palë në bisedimet Kosovë – Serbi për shkak se sipas tij, ka punuar shumë në aspektin diplomatik, shkruan TëVë1.
“Pra në këtë rast kryeministri i palës së Kosovës dhe pala tjetër ku dihet se të gjitha këto situate paraprake në mënyrë të heshtur ndonjëherë edhe publike animet kan qenë gjithmonë në favor të Serbisë. Serbia ka qenë e favorizuar si palë në forma të ndryshme qoftë në aspektin diplomatik sepse ka investuar shumë në aspektin diplomatik”, ka shtuar ai
