Kryetari i Ulqinit, Omer Bajraktari reagoi pas rastit të sjelljes brutale të një zyrtari policor malazez ndaj profesorit shqiptar Petraq Milo, përcjell InLajmi.
Bajraktari deklaroi se ata dënojnë ashpër sjelljen çnjerëzore të pjesëtarëve të Policisë Kufitare në vendkalimin e përbashkët me Republikën e Shqipërisë.
Më tej ai kërkoi që, policia të bëjë një hetim urgjent dhe profesional.
Postimi i plotë i tij:
Në emër të Komunës së Ulqinit, dënojmë ashpër sjelljen çnjerëzore të pjesëtarëve të Policisë Kufitare në vendkalimin e përbashkët me Republikën e Shqipërisë.
Prandaj presim reagim të shpejtë dhe adekuat nga organet kompetente.
Kërkojme që, policia të bëjë një hetim urrgjent dhe profesional dhe të ndëshkojë të gjithë ata që me sjellje të pahijshme dëmtojnë imazhin e shtetit. Aq më tepër që është shtetas i huaj dhe i moshuar!
Njerëz të tillë thjesht nuk kanë vend në shërbimin civil! /InLajmi/
