Lideri i PDK-së, Memli Krasniqi njoftoi se këtë të hënë ka qëndruar në Hage, ku ka takuar krerët e UÇK-së, përcjell InLajmi.
E këtë vizitë Krasniqi tregoi se e bëri për të ia uruar krerëve të UÇK-së, 15 vjetorin e pavarësisë.
Më tej ai deklaroi se Kosova është përherë falënderuese për kontributin e tyre të pashoq.
Postimi i plotë i tij:
Shënimi i 15 vjetorit të shpalljes së Pavarësisë së Kosovës nuk mund të ishte i plotë pa i uruar ata që tërë jetën punuan e sakrifikuan për lirinë që e gëzojmë sot dhe që ngritën themelet e shtetit tonë – Hashim Thaçin dhe Kadri Veselin.
Javën e Pavarësisë e përmbylla në Hagë, aty ku çlirimtarët e Kosovës po zhvillojnë betejën e tyre të fundit për të vërtetën e luftës së drejtë të popullit tonë për liri e pavarësi.
Duke rikujtuar së bashku momentin dhe emocionet e 17 Shkurtit të vitit 2008, por edhe aspiratat që i kemi përmbushur në vijim, urova që Hashim Thaçi e Kadri Veseli, Jakup Krasniqi e Rexhep Selimi dhe të gjithë çlirimtarët e tjerë t’i kemi në Kosovë në festat e ardhshme, si triumfues e fitimtarë.
Përherë falënderues për kontributin e tyre të pashoq për Kosovën! /InLajmi/
