Presidentja e Kosovës, Vjosa Osmani, kryeministri Albin Kurti dhe kryeparlamentari, Glauk Konjufca kanë bërë homazhe në Prekaz, raporton InLajmi.
Krerët e shtetit kanë vendosur kurora me lule pranë varreve të familjes Jashari.
Në homazhe tek Kompleksi Adem Jashari, nuk mungoi edhe shefi i shtetit shqiptar Bajram Begaj i cili krah liderëve shtetëror të Kosovës duket i emocionuar njëkohësisht edhe krenar.
Ndryshe, Qeveria e Kosovës ka organizuar një sërë aktivitetesh për nder të 15-vjetorit të Pavarësisë së Kosovës.
Aktivitetet e shënimit të përvjetorit të pavarësisë do të vazhdojnë gjatë tërë ditës, ndërsa pjesa më emocionuese padyshim se do të jenë momentet e parakalimit të Forcës së Sigurisë së Kosovës përgjatë shesheve të kryeqytetit /InLajmi/
