Ambasadori i Shqipërisë në Turqi, Kastriot Robo thotë se nuk ka shtetas shqiptarë që ka mbetur viktimë nga tërmeti që goditi vendin disa ditë më parë.
Robo u shpreh se mes viktimave janë disa shtetas turq me origjinë shqiptare, teksa shtoi se ende nuk kanë shifra të sakta.
“Fatmirësisht, nuk na rezulton që të ketë viktima shtetas shqiptarë. Rezultojnë disa viktima, anëtarë të komunitetit shqiptar, janë shtetas turq me origjinë shqiptare në këto zona të prekura. Statistika të sakta ne nuk posedojmë, por në lidhje me shoqatat e shqiptarëve në këto vende, na bëhet me dije se ata kanë humbur të afërmit e tyre. Nuk ka një numër të saktë, lidhur me këtë numër të shqiptarëve të prekur në këto zona”, theksoi ai, për Euronews Albania.
Kujtojmë së Truqia dhe Siria u para ca ditësh u goditën nga disa tërmete të fuqishme, të cilat e bënë vendin rrafshë më “tokë” dhe shkaktuan vdekjen e shumë personave.
