Ministrja e Drejtësisë, Albulena Haxhiu iu është drejtuar një prokurori duke i kërkuar të dorëzohet për gjykimin e saj, e cila është e akuzuar për hedhje të gaz lotsjellësit, përcjell InLajmi.
Në lidhje me këtë deklaratë të Haxhiut reagoi ashpër nënkryetarja e PDK-së, Vlora Çitaku.
Çitaku tha se Qeverisja Kurti i dëshiron të gjithë të jenë të dorëzuar, dhe se kjo mendësi nuk kalon në Kosovë.
Postimi i plotë i saj:
“Dorëzohu, s’është vonë” i paska thënë prokurorit e pandehura Albulena Haxhiu, Ministre e Drejtësisë.
Sepse, ashtu, të dorëzuar i duan të gjithë. Të dorëzuar i duan mjekët, mësuesit, policët, prokurorët, mediat, shoqërinë civile, opozitën.
Kjo mendësi nuk kalon në Kosovë. /InLajmi/
