Festivali i Sanremos nisi sonte edicionin e tij të 73-të.
Në Teatrin Ariston, garojnë 28 artistë, 22 këngëtarë të përzgjedhur si dhe 6 fitues të “Sanremo Giovani”.
E para që çeli garën ishte këngëtarja me origjinë shqiptare Anna Oxa, e cila numëron 15 pjesëmarrje në Sanremo.
Ajo është ndër të vetmet që ka shkaktuar polemika që pa nisur festivali, duke krijuar një marrëdhënie të acaruar me mediat, shkruan Kult Plus.
Anna Oxa ka refuzuar çdo ftesë për komunikim me gazetarët dhe ndryshe nga çdo artist tjetër në garë, ka zgjedhur që të mos shoqërohet nga një këngëtar tjetër, natën e 4, e quajtur nata “cover”, por do të performojë me një violonçelist shqiptar.
