Pas pushimit dimëror që zgjati disa ditë, sot (e hënë) fillon mësimi në të gjitha nivelet e arsimit parauniversitar.
Kështu pati vendosur Ministria e Arsimit, Shkencës, Teknologjisë dhe Inovacionit në plotësimet që i kishte bërë në kalendarin të vitit shkollor 2022/23.
Të gjithë stafi dhe nxënësit e nivelit të arsimit parauniversitar ishin në pushim dimëror që nga data 30 janar deri më 03 shkurt.
Në këtë gjysmëvjetor të 2-të, gjatë 5 ditëve të planifikuara të pushimit pranveror sipas UA-05/2022, do të mbahet procesi mësimor në të gjitha nivelet e arsimit parauniversitar. Ky ndrysim ishte bërë nga MASHTI, pas grevës dhe ditëve të humbura për procesin mësimor, shkruan EO.
“Përfundimi i gjysmëvjetorit të 2-të do të jetë si në vijim: Për klasën e 12-të (maturantë)përfundon më datë 05.06.2023; për klasat 9,10 dhe 11 përfundon me datë 27.06.2023; për parafillor dhe klasat 1-8 përfundon më datë 30.06”, thuhet në vendimin për ndryshimin e kalendarit të vitit shkollor.
