Të paktën 22 persona kanë humbur jetën ndërsa dhjetëra zjarre shpërthyen në Kili mes një vale të nxehtë, transmeton InLajmi.
Që nga mëngjesi i së shtunës, 251 zjarre ishin aktive në vendin e Amerikës së Jugut, me 80 jashtë kontrollit, thanë autoritetet.
Mbi 550 persona janë lënduar gjithashtu, me 16 në rrezik për jetën, thanë autoritetet.
Të paktën 45.000 hektarë pyje janë shkatërruar deri më tani, sipas të dhënave zyrtare.
Zjarret po përhapen në Kilin jugor dhe qendror, duke shkaktuar evakuime dhe shpalljen e gjendjes së jashtëzakonshme në disa rajone, shkruan Abc.News.
Një gjendje e jashtëzakonshme është shpallur në rajonet qendrore-jugore të La Araucania, Nuble dhe Biobío, e cila është goditur veçanërisht nga zjarret. /InLajmi/
