Deputeti nga radhët e Lëvizjes Vetëvendosje, Armend Muja ka thënë se në fokus të Serbisë mbetet territori i Republikës së Kosovës.
Muja ka thënë se nuk ka vend në Evropë që në kuptimin e të drejtave mundet të ofrojë shembull më të mirë sesa Kosova.
“Fokusi i Serbisë është territori, nuk ka të bëjë me të drejtat duke marrë parasysh që edhe në nivelin qendror, 4 % e popullësisë serbe i ka 10 % të vendeve në Kuvend. Nuk ka vend në Evropë që në kuptimin e të drejtave mundet të ofrojë shembull më të mirë”, ka deklaruar Muja.
Ai thotë se pajtohet me deklaratat e Esocbar dhe qëndron mendimi i krijimit të raporteve të mira me serbët në Veri.
Krahas kësaj, Muja thekson se LVV vazhdon të çmojë miqësinë me SHBA-të dhe se problemin e kanë me Serbinë, shkruan TV Dukagjini.
“Në grupin paralamentar të LVV-së dhe në subjektin politik ka një vëmendje, një konsideratë të jashtazakonshme për SHBA-të, për ndihmën që na e kanë dhënë e vazhdojnë ta jepin për të fromuar një shtet normal… problemin e kemi me Serbinë, jo me SHBA-të, jo me Escobarin…”, ka deklaruar Muja.
