Mundësia e një rikthimi të madh të koronavirus në Kinë gjatë 2 ose 3 muajve të ardhshëm është pak i mundshëm, pasi 80 % e popullatës janë infektuar, tha një shkencëtar i shquar i Qeverisë kineze.
Lëvizjet masive të popullatës gjatë periudhës së festës së Vitit të Ri Hënor ka të ngjarë që ka përhapur pandeminë, duke rritur numrin e infektimeve në disa zona.
Por, një valë e re e Koronavirus-it ka pak të ngjarë të ndodhë në një të ardhme të afërt, tha Wu Zunyou, shef i epidemiologëve në Qendrën kineze për Kontrollin dhe Parandalimin e Sëmundjeve.
Qindra milionë kinezë po udhëtojnë në mbarë vendin gjatë festës së Vitit të Ri Hënor, duke rritur frikën për një shpërthim i ri në zonat rurale, që janë më pak të pajisura për t’u përballur me shpërthime të mëdha.
Kina ka kaluar pikun me pacientë me koronavirus që kanë kërkuar ndihmë mjekësore, tha Komisioni Kombëtar i Shëndetit më herët gjatë kësaj jave.
Deri më 12 janar, pothuajse 60.000 persona me koronavirus kanë vdekur në spitale, kanë thënë autoritetet.
Kjo shifër erdhi një muaj pasi Kina në mënyrë të papritur hoqi dorë nga politika e ashpër e masave, e njohur si zero-Koronavius, shkruan REL.
Por, disa ekspertë kanë thënë se numri i viktimave mund të jetë më i madh, pasi aty nuk përfshihen personat që kanë vdekur në shtëpi apo edhe vdekje në spitale, sepse shumë mjekë nuk kanë përcaktuar sëmundjen koronavirus si shkaktarin e vdekjes.
