Policia e Kosovës ka njoftuar se pas reshjeve të shiut dhe vërshimeve gjatë ditës së enjte dhe në mbrëmje, kryesisht në pjesën veriore dhe veri-perëndimore të vendit, ka filluar të bije niveli i ujit, kurse aktivitete policore në ato rajone vazhdojnë të jenë aktive, përcjell InLajmi.
Nga raportime e njësive policore nga tereni, raportohet se në rajonin e Drejtorisë Rajonale Policore Mitrovicë Jugu, kryesisht në Skenderaj dhe Mitrovicë Jug, niveli i ujit ka rënë, në disa ndërtesa në katet përdhese ka ende uji, në disa vende ka sasi uji i cili nuk është tërhequr krejtësisht.
Më tej Policia apelon që të gjithë pjesëmarrësit në trafik të kenë kujdes gjatë ngasjes së veturave dhe po ashtu apelon që për çdo rast të kërkesave për ndihmë, qytetarët të thërrasin në numrat përkatës. /InLajmi/
