1340 çifte bashkëshortore i dhanë fund martesës së tyre gjatë 10 muajve të vitit 2022.
Kështu thonë shifra e publikuara nga Agjencia e Statistikave të Kosovës.
Sipas ASK-së gjatë muajit të parë të vitit të kaluar u shkurorëzuan 119 çifte.
Në muajin shkurt 122 çifte i dhanë fund martesës së tyre, e derisa në mars pati 103 shkurorëzime.
Ndërkaq në muajin prill fund martesës i dhanë 136 çifte e në maj u ndanë 143 prej tyre.
Në muajin qershor 129 çifte, në muajin korrik 148 çifte, në muajin gusht 162 çifte dhe në muajin shtator 122 çifte janë shkurorëzuar.
Ndërsa sa i përket shkurorëzimeve të ndodhura në Kosovë për muajin tetor janë 156 raste, e që krahasuar me muajin shtator, ka një rritje të numrit të çifteve të shkurorëzuarve për 28 %.
Agjencia e Statistikave të Kosovës ndërkaq bën të ditur se në vitin 2021 numri i shkurorëzimi ishte më i vogël se ai i vitit 2022, shkruan Klan Kosova.
Në vitin 2021 janë regjistruar 2160 shkurorëzime.
