Lëvizja Vetëvendosje përmes një postimi ne Facebook ka uruar Lidhjen Demokratike për 30 vjetorin e themelimit.
Kreu i VV njihet se ka qenë kritikues i madh ndaj Ibrahim Rugovës, i cili nuk e ka vizituar asnjëherë varrin e këtij të fundit, shkruan InLajmi.
“Para 30 vjetëve ishte kohë e vështirë: 1989 ishte vit i suprimimit të autonomisë së Kosovës nga regjimi i Milosheviqit, burgjet gjithandej Serbisë e Jugosllavisë ishin mbushur përplot me shqiptarë, kurse demonstratat në Kosovë bëheshin të fuqishme dhe të shpeshta. Po shpërbëhej federata, populli kërkonte republikë, LDK lindi si lëvizje politike, shoqërore e intelektuale, me në krye Dr.Ibrahim Rugovën.
Shumë punë e përpjekje janë bërë për demokraci dhe liri, nga mijëra e mijëra aktivistë të devotshëm”, thuhet në njoftim./InLajmi/
