Kryetari i Aleancës për Ardhmërinë e Kosovës (AAK), Ramush Haradinaj, ka marrë pjesë në ceremoninë tradicionale të ndezjes së qirinjve të festës së Hanukkah, me ftesë të ambasadores së Izraelit në Kosovë, Sh.S. Tamara Ziv, përcjell InLajmi.
Haradinaj tha se Kosova dhe Izraeli janë popuj që ndajnë histori të cilët mes dhimbjeve e gjenocidit, gjetën shpresë, fuqi e dritë, dhe marrëdhëniet në mes 2 vendeve janë të një rëndësie të veçantë strategjike.
Ai gjithashtu tha se njohja nga Izraeli vazhdon të mbetet kryelajmi i politikës së jashtme tash e 2 vite, dhe zhvillimi i këtij vendi duhet të jetë inspirim për Kosovën.
Postimi i plotë i tij:
Me ftesë të ambasadores së Izraelit në Kosovë, Sh.S. Znj. Tamara Ziv, mora pjesë në ceremoninë tradicionale të ndezjes së qirinjve të festës së Hanukkah.
Marrëdhëniet me Izraelin janë të një rëndësie të veçantë e strategjike. Kosova dhe Izraeli janë popuj që ndajnë histori të cilët mes dhimbjeve e gjenocidit, gjetën shpresë, fuqi e dritë.
Njohja nga Izraeli vazhdon të mbetet kryelajmi i politikës sonë të jashtme tash e 2 vjet. Shembulli i zhvillimit të Izraelit duhet të jetë inspirim për Kosovën tonë.
Chag Urim Sameach /InLajmi/
