Kohëve të fundit është bërë mjaft i popullarizuar në të gjithë botën seriali “Wednesday Addams”, e bashkë me të edhe aktorja Jenna Ortega, e cila luan rolin kryesor, transmeton InLajmi.
Përveç serialit, virale në rrjete sociale është bërë edhe kërcimi i Jenna Ortegas në rolin e Wedneday.
Jenna Ortega e ka kthyer Wednesday në një mbretëreshë vallëzimi virale, pasi të gjithë në rrjetin social Tik Tok e kanë kthyer në trend vallëzimin e saj.
Së fundi, Jenna Ortega e ftuar në “The Tonight Show” me protagonist Jimmy Fallon, ka treguar se si lindi kërcimi i saj viral.
“Fillimisht donin një flash mob, por mendova, jo, nuk ka se si Wednesday të jetë e lezetshme me kërcime ”, tha aktorja. “Drejtori, Tim Burton, dhe unë folëm pak për këtë, dhe ai tha, ‘Le të jetë diçka e veçantë që e identifikon vetëm Wednesday’.”
20-vjeçarja vazhdoi, “Një javë para se të bënim kërcimin, ai zgjodhi këngën ‘Goo Goo Muck’ nga The Cramps. Dhe The Cramps është një nga grupet e mia të preferuara ndonjëherë, kështu që isha shumë e emocionuar”.
Ortega i tha Jimmy Fallon se donte ta bënte vetë koreografinë e kërcimit.
Ortega tha që të përgatitej për kërcimin, ajo shikoi video të grupit rock të viteve ’70 Siouxsie dhe Banshees dhe këngëtareve rock Lene Lovich dhe Nina Hagen, shkruan E.News.
Me kërcimin e saj, aktorja nderoi edhe Lisa Loring, e cila, në moshën 6-vjeçare, e mori rolin në ekran të Wednesday Addams në serialin komedik të viteve ’60 The Addams Family. /InLajmi/
